Молитвы прп.Корнилию

Преподобному Корнилию тропарь, глас 2:

Имже образом желает елень / на источники водныя, / сице возжела душа твоя от юности к Богу./ Трудом и молитвою житию святых отец поревновал еси, / Божиим изволением и молитвами Пресвятыя Богородицы / земли Александровския светильник показался еси, / и малое стадо Христовых овец добре упасл еси. / Сопричти и нас Богом собранному твоему стаду, / почитающих любовию святую память твою, // Корнилие преподобне отче наш.

Преподобному Корнилию кондак, глас 4:

Заповеди Христовы усердно исполнив, / пастырства благодать наследовал еси, / болезнуя сердцем о всех, верою притекающих к тебе, / иноков собиратель, Корнилие преподобне. / Темже и мы, чада твоя, с любовию вопием ти: / со учителем твоим преподобным Лукианом // моли Христа Бога спастися душам нашим.

МОЛИТВА

О, священная главо, преподобне и богосне отче наш Корнилие!
Ты, всеусердно поработати Господеви желая, в земли Александровстей вселился еси, обители основнныя богомудрым Лукианом добре устрояя.
Неленостно в трудех, бдениих, молитвах и постех подвизаяся, бесовския козни мужески поправше, был еси наставник монахом, всем же людем учитель ревностный и отец чадолюбивый.
Ныне убо, по отшествии твоем от земных Небесному Царю предстоя, моли благость Его, еже ущедрити место селения твоего и святыя обители твоя, идеже духом любве твоея неотступно пребывавши; и всем людем, с верою к мощем твоим приходящим, во благая прошения их исполнити.
Испроси у Великодаровитаго Бога нашего, да сохранит Святую Церковь непоз
блему от ересй и расколов, Отечеству нашему мир и тишину да дарует, нам же да продлит время на покаяние и исправление жития.
Утверди нас в соблюдении Христовых заповедей, да тако зде богоугодно поживши, сподобимся безпреткновенно внити в вечное Небесное Царство, идеже ты со преподобным Лукианом и всеми святыми непрестанно прославляеши Отца и Сына и Святаго Духа во веки веков.
Аминь.

Здесь можно дополнительно скачать:

  1. Служба прп.Корнилию Александровскому, чудотворцу на день преставления святого 11 августа — Sluzhba Korniliu.
  2. Акафист прп.Корнилию Александровскому — Akafist Korniliu.
  3. Молитва прп.Корнилию Александровскому — Molitva Korniliu 1.
  4. Молитва прп.Корнилию Александровскому — Molitva Korniliu 2.